De lekkesjte nonnevot

Teks en Meziek: Raymond Goulding en Har van de Wiel
Jaortal: 2010
Zangk: De Vraem Veugel (org.)
CD: Höbs doe ouch zo’ne zin? (2013); zangk: René Dirkx

Refrein:
Charlot…… Waat höbs dich toch ein lekker nonnevot
Charlot…… Dat is ein vot om in te biete
Charlot…… Doe höbs mich toch ein lekker nonnevot
Jao de beste nonnevotte……die komme van Charlotte.

Koeplèt 1:
Charlot dat is ein maedje, oet ooze bekkerie
Zie bak veur de Vastelaovend nonnevotte
Gans Limburg kump dao koupe, ze sjtaon dan in de riej
En vraoge nonnevotte van Charlotte
Ze zeen bekans niet aan te sjleipe
En witste waat die luuj doe reipe…

Koeplèt 2:
Charlot begint te bakke es ’t sezoen begint
Zie bak zo vööl dat wilste gaar niet weite
Daorom wurt zie in Limburg, door jederein bemint
Dao kent zie dan geweldig van geneite
De pries veur de beste nonnevotte
Diej geit dit jaor weier nao Charlotte

Koeplèt 3:
De Limburgse tradiese, is vlaai die is jao top
’t ganse jaor ken ich davan geneite
Mer mit de Vastelaovend, dan is ’t effe sjtop
Dat zults-te ongertösje toch waal weite
De vlaai maak plaatsj veur nonnevotte
De nonnevotte van Charlotte