De ganse kraom

Vastelaovessezoen 1996, Nómmer 4
Teks & Meziek: John Smeets & Gian Prince
Jaortal: 1996
Zangk: Jan van Daal
CD: De perpluu wurd gerich (1996)

Refrein:
De ganse kraom löp in de sop,
want òs kapel sjpeelt dich de oore van de kop.
Zie blaoze laeve in de boet,
Jao, dan hiljste ’t hie gein vief menuute oet.
Dan gaon de vuit hie van de vloer,
hink òs sjuuf vas in de kapsjtok aan de moer.
De ganse kraom löp in de sop,
want òs kapel sjpeelt dich de oore van de kop.

Koeplèt 1:
Ooze tamboermaeter, sjmit gaer mit ziene sjtek,
dae kuul vilt häöm deks oppe kop, dae is harsjtikke gek.
Mer mit de beierboek veuroet en eine sjteevige pas,
de medaajes oppe boek en pelette oppe jas.
Bie ein kafee dao is ’t effe opgelèt,
trèk hae mit zin kapel rech door, pes aan ’t befèt.

Koeplèt 2:
Bombardònne Harie, is jeederen daag tööt,
is belle aan ’t blaoze, oet zien zjwaor geblötsjde trööt.
Mer mit dat dènk hie òm de nak kriste hie gaaroet gein roe,
blees’r dich hie sjtarre gek, haut dich vlot de oore toe.
Bie ein kafee dao is ’t effe opgelèt,
blees hae in einen aom de glazer van ’t befèt.

Brök:
En kump hie nog ein mechelke veurbie,
dan sjakele zie nog ein tendje bie …