Dat is klasse

D

Vastelaovessezoen 1993, Nómmer 2
Teks & Meziek: Loek Lemmens
Jaortal: 1993
Zangk: Frans Thissen
CD: 111jaor De Marotte Zitterd (1993)

Refrein:
Jao dat is klasse, jao dat is klasse,
hònderd-ellef jaor al make veer grimasse.
Neit te geluive, neit te geluive,
Zitterd haet get en dat kènste heel goud pruive.
’t Is de sjtad door de eeuwe haer,
die vastelaovend viert mit flaer.
Jao, dat is klasse, jao, dat is klasse,
hònderd-ellef jaor Marotte en grimasse.

Koeplèt 1:
Goud hònderd jaor geleeje, ze pakte zich biejein.
ei grupke luuj oet Zitterd, ze bleeve neit allein.
En vastelaovend koum doe, bie òs hie van de gròndj.
De pappegey koum oet zeen ei en trèk nog ummer ròndj.

Koeplèt 2:
Ze gouve òs ’t sjoonste, ein sjöpping veur altied.
Zowaor ein waereldwònjer, oos groot Marotte-Riek.
Noe sjtaon dao op ei reike, drie eine achterein,
want Zittisje Marotte blieve altied nòmmer ein !