Dao zak mich de boks van aaf

Teks & Meziek: Miriam en Theo Bartels
Jaortal: 2017
Zangk: Koep Marie
CD: Waat ein Plaat, deil 9

Koeplèt 1:
Ich höb ein grote sjminkdoos , alle kleuren op ein rie
Mer es ich mich gaon sjminke wurd dat eine schweinerie
De ganse klómmel is mich oetgeloupe
Ich krieg verduld de ouge neit meer oupe
Ich vraog mich aaf wat doon ich fout
Of is dae sjmink mesjiens te auwt
Dan kiek ich óm mich haer, die sjoon gesjminkte köp
die höre vas en zeker bie de sjoon gesjminkte klöp

Brök:
Noe zegk mich wo ich zo’ne sjmink kèn koupe
Zodat ich mit dat klöpke mit kèn loupe

Refrein:
Dao zak mich de bòks van af
Dao geit mich ‘t leich van oet
Al die sjoon gesjminkte köp
Dao zak mich de bòks van af
Dao geit mich ‘t leich van oet
Zeen die allemaol van de sjoon geschminkte klöp

Koeplèt 2:
Ich höb ’t noe al jaore, mit väöl passie geperbeierd
Dan zouste zegke höb ich t toch eindelik geleerd
Begin geweun mit rood gael gruine kleure
Mer kiek noe wat d,r dan weier geit gebeure
’t liek op vieftig tinte gries
Ich raak beheurlik van de wies
Dan kiek ich óm mich her, die sjoon gesjminkte köp
die heure vas en zeker bie de sjoon gesjminkte klöp