Dao komme de Dörpelmaeg

Zittesj Vastelaovesleidjes Konkoer 2024
Teks: Peter Schaeks; Meziek: Mark Courage
Jaortal: 2024
Zangk: De Dörpelmaeg
CD: Ich Aom Zitterd (2024)

Refrein
Lalala la la la la la la la la la la la la
Oet de waeg, jao gank oet de waeg!
Dao kómme de Dörpelmaeg!
Gank oet de waeg, jao gank oet de waeg!
Dao kómme de Dörpelmaeg!
Ze vaege alles aan de kantj, tot baove aan de sjtópperandj,
Mit hunne bessem in de handj, bekènd in gans ós Zittesj Landj!
Oet de waeg, jao gank oet de waeg! Dao kómme de Dörpelmaeg!
Lalala la la la la la la la la la la la la

Koeplèt 1
Mit Rökskes, sjölk en pelderien, zo loupe zie in rechte lien
De Paesjsjtraot oet, de Pötsjtraot op, zo wurt hie alles goud gesjrób
Oots vertrokke oet de Brandjsjtraot, wie ze koume oet de Zjwaan
Zónge ze vol gouwe moud: Zitterd, veer kómme d’r aan!

Koeplèt 2
En wie dat geit in sjprookjesbuik, zo gónge zie op hoog bezuik,
Op Soestdijk same zie aan zie, dao waor gein glaze muulke bie!
Oots vertrokke oet de Brandjsjtraot, wie ze koume oet de Zjwaan
Zènge ze vol gouwe moud: Zitterd, veer kómme d’r aan!