Blaoze

Teks en Meziek: Miriam & Theo Bartels
Jaortal: 2007
Zangk: Koep Marie

Refrein:
Blaoze, Blaoze ein hermenie kump om de boch
Blaoze, Blaoze, ins kieke höbbe die noch loch
Ich höb ech nooit gelök, egaal wo ich auch sjtaon
Want es ze bie mich komme is ’t blaoze weer gedaon
Blaoze, Blaoze ich heur allein nog mer de trom

Koeplèt 1:
Ein urke veur de optoch, sjtaon ich bie os in de sjtraot
Ich num ein hiel klein träötje mit, en sjpring get in de maot
Dan heur ich wiedeweg  alweier ein zaate hermenie
Die kump almelig korterbie
Zonger hermenie koosj Limburg neit besjtaon
Ich geleuf dat ich mer achter de meziek aan goan
En es ’t neit meer geit, en de ganze kraom blieft sjtaon
Roup ich oet volle borst noe laot es gaon

Koeplèt 2:
Noe kiek dao höbse Haarie, dae sjpeelt op de sjuuftrómpöt
En Sjef dae haet de bril vergaete dus dae blees mer get
En achterin de dikke trom, wat is dat ein gemaor
Want gluif ’t mich, dat denk is sjwaor
Veur al die jonges wil ich hie nog heel lang sjtaon
Ich houp dat ze nog blaoze es ze langs mich gaon
Mer es ’t neit meer geit, en de ganze kraom blief sjtaon
Roup ich oet volle borst noe laot es gaon

Sjlot:
Es jederein èns mit zou roupe ach dat waar neit gek
Dan ging die hermenie wie eine wek