Allemaol trööte

Koeplèt 1:
Door ’t jaor is Zitterd vol meziek.
Mit de kirmes, mit St. Joep, mer auch mit carnaval.
En de trööt, wie lestig ’t auch liek,
mot auch dao zeen mit persesse of ei sjterfgeval.
Ach de blözesj van de trööt zeen dan prezent.
Dan zeen alle luuj van Zitterd gans kontent.

Refrein:
Trööte, allemaol trööte
In Zitterd heurt me niks … es trööte.
Me heurt ze hie, me heurt ze dao, me heurt ze euveral.
Me blees ze hie, me blees ze dao, ’t is weier carnaval.
Trööte, allemaol trööte.
Zonger trööt is ’t in Zitterd niks gedaon.

Koeplèt 2:
Mèr wie waor, d’r zeen tes auch derbie,
die ’t ganse jaor te sjtinke ligge in de kas.
En ochèrm, is ’t dan weier tied,
is geinein ventil of pomp die ’t dan nog mer deit.
Kump de pòtsdouk en get aolig sjnel derbie,
wilt’r mitdoon, angesj lik ‘r op ein zie.

Koeplèt 3:
En tot sjlot vertel ich uch dan noe,
mit de vastelaovend weite ze toch waat ze doon.
Jeder sjtraot of gats kent noe gein roe.
Zuug ze blinke, heur ze klinke, waat is dat toch sjoon.
Want gein trööt is mee kapot, ze sjpeelt wie nuuj,
sjpeelt veur Zitterd, jao, ze sjpeelt veur alle luuj.

Floren Hendrix Math Niël