CONFETTI, PEPIRKES VAN GELÖK


Vastelaovessezoen 2004, nömmer 3

Teks & Meziek: Peter Schaeks

Zangk: Drie en Ein


Refrein:

`t Raegent `t raegent confetti !

Waat `n waer !

De loch is gans gekleurd

Dit waer höb ich zo gaer

Al die sjnipperkes.... de kleure van de raegebaog

Riezele wie bòntje sjnee van baove oet de loch

Ze valle mich in de nek pès onger in mien sök

Mörgevruig vènj ich die euveral weier terök

Wo dan????

In mien hömme, in mien haor

In mien bòks en in mien böösj

God-weit, ich-weit-neit wo,

Ich veul mich happy, mit confetti

Want `t zeen sjtök veur sjtök:

Pepirkes van gelök


Es ich 's mörges wakker waer,

Maak ich mien lènker-aug `ns aop.

En zeen mit `ne glimlach,

Waat ich vuilde in de sjlaop.

euveral confetti op mien kösse,

mien teene en mien batse, euveral zitte ze tössje

Sjtaon ich veur de sjpeigel en ich sjrik! Wat kik mich aan?

Zeen ich zellefs confetti in `t sjtökske van mien vaan


Kump d`n optoch langs, sjtoan ich dao

Mit mien tröötje langs de kantj.

Dan komme ze mit töp

Vol-gelaaje pès de randj

Ze laaje `t kanon gans vol en knalle,

Doezende pepirkes jao die valle, en die valle

Laot `t mèr gebeure, kòm mèr dwarrel mich mèr vol,

Neit allein `t kanon, mer auch mien hart zit daovan vol!










 






Share on Facebook Share on Twitter Share via e-mail Print

Carneval doe Carneval

Confetti, pepirkes van gelök

































  © 2003-2016 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2015

Mail: info@vastelaovendzitterd.nl?subject=Vastelaovend in Zitterd