AUWT PRINSE LEEDJE


Teks en Meziek:??


De sjoonsten tied van gans mien laeve,
Dat waar veur mich de Prinsentied.
Ich waar 't leifste Prins gebleve,
Neit veur ein jaor, mèr veur altied.
Mèr 't jaor dat is vergange,
Haet gans vööl sjoons gebrach.
Wurt de nuuje Prins gekaoze,
Dan höb ich dèks gedach:


Refrein:

Ouch ich waar èns Prins Carnaval,
Höb oppen troon gezaete.
Ouch ich waar èns Prins Carnaval,
Dat zeet geer vas noch neit vergaete.
Auw Prins te zeen is toch zo sjoon,
Mèr ich zou 't bes èns euver wille doon.
Auw Prinse geit, geit, geit, het ummer goud,
Dat kump van 't richtig Prinselikke Bloud.


D'auw Prinse zeen biejein gebleeve,
Veer maake saame vööl plezeijer.
Veer zenge saame èns ein Leidje,
Veer drènke saame ein pötje Beier.
Mèr kump de Vastelaovend,
Mit werrek pès in de nach.
Dan wurt toch jeder weijer,
Éns effekes gezach:


Ouch ich waar èns Prins Carnaval,
Höb oppen troon gezaete.
Ouch ich waar èns Prins Carnaval,
Dat zeet geer vas noch neit vergaete.
Auw Prins te zeen is toch zo sjoon,
Mèr ich zou 't bes èns euver wille doon.
Auw Prinse geit, geit, geit, het ummer goud,
Dat kump van 't richtig Prinselikke Bloud.


En zeen veer later auwd in jaore,
Oos hart blif jonk, oos hart blif blie.
Zo lang de bein ôs kenne draage,
Sjtaon veer in de Auwd Prinse riej.
En mot ich aan d'n Heemeldeur,
Mien buikske aope sjlaon.
Dan zèk ich Petrus witste wat,
Ich hiej ónger höb gedaon:






 






Share on Facebook Share on Twitter Share via e-mail Print

Al geit 't wie ’t geit

Al noa ’t bal

Alaaf, dat waar 't lèste waat hae reip

Alaaf de marotte

Alaaf, gaef mich mèr zitterd

Alle remme los !!!

Allemaol

Allemaol trööte

Alleney gekke teun

Appelesiene

Auwe zandjwaeg

Auwerwètse denske

Auw mök

Auwt prinse leedje

Auwt waere




















  © 2003-2016 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2015

Mail: info@vastelaovendzitterd.nl?subject=Vastelaovend in Zitterd