‘N SIRRENAAD


Teks: Thijs Arts, Meziek: Guus Kitzen

Zangk: Guus Kitzen


De kènjeroptoch is alweier geloupe, de kènjer ligke sjtilkes weier in bèd

't is gedaon, ich gaon noe heivisj loupe, en mien tröötje, dat geit ouch mit mich mit

'Zitterd Allein', dat ken ich ram van boete ,dat leidje haet zo'n röstig sjoon begin

gein minsj dae noe nog kik achter de roete , mer mit de lètste aom zet ich `m in.


Refrein:

De Lömmerichersjtraot ligk veur mich aope

De sjtraot ligk laeg, `t is al wiet te laat

Nog ein lètste leid veurdat ich gaon sjlaope

Ich brèng michzelf nog `n sirrenaad

Es dan de lètste klanke klinke

Van 'mien awt Zitterd, Zitterd Allein'

Begint mien tröötje gans greutsj te blinke

En sjut eine sjoever van gelök mich in mien bein.


`s Zòndigssjnachs loup ich laat nog get verlaore

ich weit niet richtig welke kantj nog op

die veier sjlaeg van oze Grote Kirktore

die dreune nog get nao in miene kop

'n rood belunke kump zach aangevlaoge

en tòrvelt in de wèndj get om mich bie

alles waor zo sjpeels en bliej en opgetaoge

d'n eesjte daag is noe alweier veurbie


De daensdignach besjleit ich noe al jaore

Bie 't beeld van os auwt Zefke Mols

Bedènk mich dan wie sjoon die drie daag waore

En dat ich ummer zo sjoon laeve wol

Ich höb weier einen opgelaajden accu

Al is de ammesjuur ouch ram eweg

Tevreije loup ich dan nao hoes toe

Nog eine keer blaos ich mien tröötje rech







 





















 

















 






























































 






Share on Facebook Share on Twitter Share via e-mail Print

‘N Sirrenaad

Naame die Zitterd nog kent

Nao de roeibaan

Neit te geluive

Noe effe neit

Noe hie en mit dich

Nonnevotte raege




























  © 2003-2016 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2015

Mail: info@vastelaovendzitterd.nl?subject=Vastelaovend in Zitterd